Viðbúin - tilbúin - nú!
Tryggvi Þór Herbertsson heldur því fram á Facebook í dag að Dollý sé fyndin.
Nei andskotinn hafi það, slíkt og annað eins hefur ekki gerst í háa herrans tíð. Því fer fjarri að Dollý sé fyndin, það hefur hún aldrei verið og mun aldrei verða.
Sveiattan þessir pólitíkusar.
Síðasta fimmtudag kom Sigrún systir í heimsókn og ég bauð henni að sjálfsögðu uppá tilraunaeldhús. Að þessu sinni var hollustan framarlega á lista hjá mér og gerði ég kjúklingasalat þar sem paprika var í aðalhlutverki.
Þannig er að við systur erum tiltölulega nýkomnar úr ferð til Búdapest þar sem ég keypti eðal paprikukrydd. Ég ákvað að prufa að nota það í nýjasta tilraunaeldhúsið.
Uppskrift fyrir 2-3
3 kjúklingabringur skornar í mátulega bita
1/3 poki rúkólasalat
1/3 lambhagasalat (ca 6 blöð) skorin smátt
4 meðalstórir konfekttómatar
1/2 askja bláber
1/2 rauð paprika skorin í bita
1 tsk paprikuduft frá Búdapest
1 tsk hvítlaukssalt
2-3 msk Isio 4 olía
Góð ólífuolía
Ég lét kjúlinginn marinerast í kryddinu (papriku og hvítlauk) og setti Isio4 olíuna þar með – þetta steikti ég svo á heitri þurri pönnu (enda næg olía í marineringunni) Salatinu blandaði ég saman og hellti svo kjúklingnum ofaná. Ólífuolían var síðan sett á salatið eftir smekk hvers og eins.
Hér er kjúklingasalatið ásamt kartöflusalatinu sem má finna hér annarsstaðar á síðunni.
Karl Björnsson, framkvæmdastjóri sambandsins, kom glaðhlakkalegur til mín einn morguninn og sagði að þetta væri örugglega eitthvað fyrir mig. Til að færa sönnur á það ákvað ég að búa kartöflusalatið til og viti menn – það er dásamlegt.
Uppskriftin – meðlæti fyrir 6-8
8 meðalstórar kartöflur
1 græn paprika
1 súrsuð smágúrka (gherkin)
4 vorlaukar
3 egg, harðsoðin
250 ml. mæjónes
1 msk hot dog relish eða dijon sinnep
Nokkrir dropar tabasco sósa
1/4 tsk ceyenne pipar
Salt og pipar
Það þarf vitaskuld að byrja á því að sjóða kartöflur og egg, afhýða og skera í mátulega bita (báta). Þá þarf að skera niður grænmetið en ég keypti bara Gherkin relish í krukku og notaði í mína uppskrift. Þá átti ég ekki tabasco sósu né ceyenne pipar en ég átti hins vegar þurrkaðan chilli pipar frá Ungverjalandi sem er logandi sterkur og ég muldi einn slíkan út í salatið.
Þessu er öllu blandað saman og úr verður þetta líka dýrindis kartöflusalat.
Verði þér að góðu.
Myndin hér að ofan sýnir kjúklingasalatið sem ég bauð Sigrúnu systur uppá í seinni undankeppni Eurovision 2012. Kartöflusalatið er efst á diskinum og átti einstaklega vel við með kjúklingnum.
Í gærkvöldi fór fram hin víðfræga Óskastund en að þessu sinni vorum við heima hjá Gunni Stellu í Vallargerðinu. Það var ekki við öðru að búast en glæsilegum móttökum og það klikkaði ekkert hjá henni frænku minni. Tja nema vinir hennar tveir þeir Bang og Olofsson sem þóttust vera of fínir fyrir þetta partý. Við stelpurnar vorum þó ekkert á þeim buxunum að leyfa þeim að komast upp með neitt múður þannig að við þræluðum þeim í gegnum hvert lagið á fætur öðru … á hæsta styrk!
Þegar lagaspiluninni var lokið var undirrituð, já og Sigfríður, fengnar til að slá niður úrslitunum sem urðu þannig að Siffa rúllaði kvöldinu upp. Hún átti lag kvöldsins sem að þessu sinni var hið ógleymanlega One Moment In Time með Whitney Houston. Þá var Gunnur Stella krýnd kona kvöldsins, sem í morgun kom í ljós að var alls ekki rétt úrslit því Siffa varð líka kona kvöldsins en þar sem hún tók sjálf þátt í að finna út úr þessu þá skrifast mistökin á hana ;-).
Hér að neðan má sjá hvernig stigin skiptust milli okkar vinkvennanna í efstu röð er stigagjöfin fyrir fyrsta lag sem hver og ein spilaði og svo framvegis. Þarna má glöggt sjá að kona kvöldsins er Sigfríður með samtals 22,9 stig. Þá kemur Ásta B. með 21,8 stig en Gunnur Stella hafnaði í þriðja sæti með 21,4 stig.
| Alda | Ásta | Gunnur | Ingó | Siffa | Þjobba |
| 7,8 | 7,5 | 6,5 | 6 | 8,3 | 7,7 |
| 7,8 | 7,4 | 8 | 6,8 | 7,4 | 5,6 |
| 3,8 | 6,9 | 6,9 | 8,2 | 7,2 | 7,4 |
| 19,4 | 21,8 | 21,4 | 21 | 22,9 | 20,7 |
Hér að neðan má síðan sjá hvaða lög voru leikin og hvaða einkunnir þau fengu hjá okkur.
| Heiti lags | Flytjandi | Meðaltal | |
| One Moment in time | Whitney Houston | 8,3 | Siffa |
| Les Champs Elysses | Jon Dassain | 6,0 | Ingó |
| Stingum af | Mugison | 7,8 | Alda |
| Woice within | Christina Agulera | 6,5 | Gunnur |
| All Kinds of everything | Dana | 7,7 | Þjobba |
| Will you still love me | Amy Winehouse | 7,5 | Ásta |
| Little Talks | Of Monsters and man | 7,8 | Alda |
| Líttu sérhvern sólarlag | Valdimar Sigríður Thorlacius | 6,8 | Ingó |
| Your’e Beutyful | James Blunt | 7,4 | Ásta |
| What are Words | Chris Medina | 7,4 | Siffa |
| Þín innsta þrá | Stebbi og Eyfi | 8,0 | Gunnur |
| Ring of Fire | Johnny Cash | 5,6 | Þjobba |
| Það er komið sumar | Mc Gauti | 3,8 | Alda |
| I’wanna dance with somebody | Whitney Houston | 6,9 | Ásta |
| Delilah | Tom Jones | 8,2 | Ingó |
| Alone Again | Alyssia Read | 7,2 | Siffa |
| Allt með öðrum blæ | Stebbi og Eyfi | 6,9 | Gunnur |
| Moves like Jagger | Maroon | 7,4 | Þjobba |
Enn og aftur þakka ég fyrir kvöldið stelpur. Þetta var ljúft.
Tilraunaeldhús í kvöld, 16. apríl 2012. Að þessu sinni hafði ég sankað að mér allskyns rótargrænmeti og svo átti ég ýsubita í frystinum. Þessu skellti ég saman í eldfast mót ásamt salti og karrý og úrkoman varð svona líka glæsileg.
Eftirfarandi hráefni notaði ég í réttinn:
Ég byrjaði á því að afhýða gurót, kartöflu og bita af sellerírót. Ég sauð uppá þessu í smá stund, ca. 10 mínútur. Á meðan skar ég smávegis af brokkolí, sellerí og vorlauk og setti í skál. Þá brytjaði ég ýsubita niður og bætti í. Þegar rótargrænmetið var soðið bætti ég því í skálina og setti smávegis af sítrónuolíu og ólívuolíu yfir ásamt salti og karrý. Þessu hrærði ég saman og færði yfir í eldfast mót. Að lokum stráði ég smávegis af parmessanosti yfir og bakaði í ofni við 180 gráður í 15-20 mínútur.
Það hefði sennilega verið snjallt að setja smávegis af vökva með í eldfasta mótið, vatn, mjólk, rjóma eða jafnvel smurost en mér fannst þetta fínt samt enda las ég í dag á netinu að ólífuolía er ein af þeim fæðutegundum sem nefndar hafa verið ofurfæði (SuperFood).
Þetta var einkar gott og ég á klárlega eftir að gera þetta aftur og þá miklu mun meira af sellerírót sem var algjörlega mergjuð í þessum rétti.
Þessa uppskrift rakst ég á á netinu. Ég hef ekki sjálf bakað þessar kleinur en mér leist frekar vel á uppskriftina. Læt hana því flakka.
1 kg. hveiti
250 gr sykur (já það þýðir ekkert að kvarta yfir magninu, svona er lífið:) )
100 gr. smjör
2 egg
8-10 tsk lyftiduft (ekki innsláttarvilla, það þarf að fá almennilegt búst í þessar elskur)
1 1/2 tsk hjartarsalt
2 tsk kardimommudropar
1 tsk sítrónudropar
2,5 dl súrmjólk
2,5 dl mjólk
Öllu hrært saman og steikt í Palmín feiti. Það léttist enginn þann daginn en ánægjan við góðar kleinur og frábært dagsverk er miklu mikilvægara en einhverjar bölv…..hitaeiningar.
Mér áskotuðust grísalundir og í kvöld var skellt í tilraunaeldhús.
Ég átti til ólífur og sólþurrkaða tómata en ég kom við í búðinni og keypti hvítlauks smurost og grænpiparsósu. Þetta var einfallt.
Fyrir grísalundirnar
Skerðu vasa í grísalundirnar smurðu með hvítlauksostinum og raðaður ólífum og sólþurrkuðum tómötum í rifuna. Lokaðu með tannstöngli. Settu þetta í eldfast mót og kryddaðu, ég notaði smávegis salt, talsvert af pipar og köd og grill krydd. Þetta fór inní ofn sem var stilltur á ríflega 200 gráður og var þar í um 35-40 mínútur.
Fyrir kartöflurnar
Ég flysjaði kartöflur og brytjaði í sæmilega stóra bita og skar niður rauðlauk, þetta setti ég í eldfast mót og jós yfir olíu úr krukkunni með sólþurrkuðu tómötunum. Mótið fór inní ofninn með kjötinu ca. 7 mínútum eftir að kjötið fór inn.
Sósan
beint úr pakkanum!
Tres bíen!
Jæja, ég eldaði steik og guinness pæ í kvöld enda kom Bubba systir í mat og hún (eins og ég) elskar svona breskan pöbbamat.
Það tekur tíma að elda þetta en það er samt hryllilega einfalt að elda. Það sem þarf er:
Jæja, þetta er einfalt. Þú tekur kjötið og þerrar það setur það síðan í skál og þekur það með hveiti. Þá hitar þú pönnu eða góðan þykkbotna pott og steikir kjötið úr olíu þannig að það brúnist. Það festist alltaf á botninum hjá mér en reyndu að koma í veg fyrir það. Þegar þú ert búin að brúna kjötið þá tekur þú það uppúr pottinum / pönnunni og steikir laukinn létt, setur selleríið útí og hellir úr dósinni í pottinn. Ef þú ert bara með tvo í mat eins og ég þá má taka smá til hliðar af bjórnum og drekka meðan þú eldar.
Þessu næst er worchester sósan og tómatpúrréið sett útí ásamt súputeningnum, piprað vel og sett klípa af salti. Þá er lækkað niður í neðsta straum á hellunni og þetta látið sjóða í ca. 1 – 1 1/2 tíma. Ef þetta verður of þunnt þá er gott að þykkja þetta aðeins með sósujafnara áður er rétturinn er borinn fram.
Ég keypti smjördeigsplötur og setti þær frosnar á smjörpappír og bakaði í ofninum við 200 gráður í um 20 mínútur. Grænmetið var frosið og ég rétt sauð uppá því áður en þetta var borið fram … með þessu er að sjálfsögðu drukkinn Guinness bjór!
Óskastundin verður haldin hátíðleg 20. apríl nk. Að þessu sinni verður Gunnur Stella gestgjafinn.
Lagalistinn er nauðsyn þegar kemur að því að velja lög fyrir kvöldið enda má ekki spila sama lag tvisvar.
Hér er Lagalisti Óskastundarinnar.
Já er ekki rétt að kalla kjúklingasalatið sem ég bjó til í kvöld “Næstum því endalaus hollusta”
Ég gerði nú bara einn skammt handa mér og notaði í það:
Ég byrjaði á kjúklingalundunum skar þær í bita og skellti á pönnu, kryddaði með Töfrakryddi frá … æi þarna þessum með græna lokinu. Steikti þetta létt og tók svo pönnuna af hellunni og leyfði kjúllanum að malla þar meðan ég útbjó salatið.
Þegar það var allt komið á einn disk þá skellti ég kjúllanum ofaná salatið, raspaði ríflega af parmessanosti ofaná og gúffaði þessu í mig.
Eins og góðum fjölmiðlakokki sæmir sötraði ég góðan bjór með þessu, svona til að draga aðeins úr hollustunni!
Mjög gott, já í alvöru … mjög gott!