Snillingur í eldhúsinu – grænmetisréttur

Það er ekki hægt að segja annað en að ég sé snillingur í eldhúsinu!

Í kvöld ákvað ég að elda grænmetisrétt úr því rótargrænmeti sem ég átti í ískápnum og gera hann með austurlensku ívafi. Og ég skal segja þér það að grænmetisrétturinn minn var alveg geggjaður.

Innihaldið mitt í þennan rétt var:

• 2 kartöflur
• 2 cm af sætri kartöflu
• 1 vorlaukur
• 1 hvítlauksrif
• 1/2 laukur
• 1 sellerístöngull (lítill reyndar)
• 1/2 cm engifer ferkst
• 1 msk sýrður rjómi
• 1 tsk kókosrjómi (Coconut Cream)
• karrý
• paprikuduft
• kúmmín
• túrmerik
• ólífuolía
• pipar
• salt
• vatn
• sósujafnari

Ég brytjaði niður grænmetið í mátulega bita og byrjaði á að steikja kartöflurnar á pönnu í smástund, svo fór laukurinn á pönnuna, gulræturnar, selleríið, vorlaukurinn, hvítlaukurinn og engiferið. Þá krydda ég og þegar allt kryddið er komið á pönnuna setti ég smá vatn og leyfði því að taka sig, svo setti ég örlítið vatn í viðbót (ætli þetta hafi ekki verið ca. 1 dl. í það heila) þá stráði ég smá sósujafnara yfir og loks kom sýrði rjóminn.

Þetta tók mig ekki nema um 15 mínútur að gera þennan rétt og mér fannst hann – geggjað góður!