Útlendingafár

Sumarið búið –  já þetta var allt
skítakuldi, eymd og volæði.
Haustið svo svalt – kominn tími á malt
og appelsín – ekkert annað falt
ekkert annað drasl.

Á fjöllum finnast menn – sem rat‘ekki neitt
í úlpu og skó er engum aurum eytt.
Í heitum pottum sitja unglingar
sem vita ekki að þau framtíð geta breytt,
framtíð geta breytt.

Í búðum finnum gamalt fólk sem bíður þess eins
að dauðinn sæki þau – þau sakna ekki neins
Á kassa brosir stelpa með bikasvart hár
með krullur út um allt – það er útlendingafár.

Hvert ertu að stefna – hvert er þitt plan
Ertu kannski eins og Aron nokkur Kahn?
Með augun á einu – brautinni beinu
kemst síðan að því að þú breytir ekki neinu
Horfðu í kringum þig – opnaðu augun
í umhverfi þínu þú sérð helling af draugum
sem trúa að þeir séu lifandi enn
geggjaðir, flottir, fullorðnir menn.
Dauðir samt eru í eitthundrað ár
með titrandi lítið, pínulítið tár
segja að hérna sé útlendingafár – útlendingafár.

Sumarið búið –  já þetta var allt
skítakuldi, eymd og volæði.
Haustið svo svalt – kominn tími á malt
og appelsín – ekkert annað er falt
ekkert annað er drasl.

Lífið brosir við okkur ef aðeins við það sjáum
það stefnir þó aðeins beint í eina átt
Þeytivinda lífsins ruglar það sem við fáum
Keyrir okkur í þrot – dregur úr okkur mátt
– úr okkur mátt

2022

Plata Bjarna Ómars, Athvarf, kom út í febrúar 2025. Þessi snillingur bað mig um að semja texta við lag á plötunni og niðurstaðan var Útlendingafár.